مواصفات الشب السوري

مواصفات الشب السوري
أأولاً فيسبوكياً

1_ بيدخل و كل همو إنو يلاقي بنت....
و يحاول يحكي معا و إذا كانت حلوة الله يعينا لأنو بكون قرر يدبق سماها !!!!
ببلش بقا بمسيجات شي مرحبا و شي كيفك
و اذ بتردي عليه أهلين بفكر حالو ملك الدنيا كلا و فكرك وقعت بشباكو
2_ أو ببلش المسج مرحبا كيفك تقول بيعرفا من ايمتا و آكل معا شي صحن مخلوطة .....
و بصراحة بهيك حالة بدو نجق و أوعا تردي عليه لأنو بفكرك خلص رحتي فيا و دبتي بتفاهتو و معلاقو الكبير....
3_و أحيانا بيجيكي شي واحد معلاقو كبيييييييير و بيبعتلك قصة حياتو
يا حرام تقول مو ملاقي حدا يحكي معو و ما بصدق عالله شاف بنت..!!!!؟؟؟ عالفيس بوك ليبلش يسردلك قصة حياتو الي مانك فاضية تقريا
تقول ما عنا شي غير نقرا مسيجاتن و نحل عقدن النفسية
و أحسن شي بتعمليه إنك تردي عليه بكلمة" ok, fine" ...
أو حتى اذا بدك تتكارمي كتبيا بالعربي بحروف انكليزي حاكم تلات رباعن ما بيعرفو يترجمولن كلمتين عبعضن
و انت مانك مضطرة كل شوي و التانية تغيري اللغة كرمال فهيم أفندي ..!!!
لاء و الأحلى من هيك لك حتى عربي ما بتخلصي ... بتجين الجمدة و نوبة الغباء على اشوووووو و ما فهمت
لأنو أساساً ما بيعرفو الفاين من الدونكي !!!!!!
شو بدك تحكي لتحكي خليا لربك

ثانياً مسنجرياً

1_بيقعد يا أما بجيب ايميلك من شي حدا أو من شي فورورد باعتو شي غبي متلو الك و الو
و خدي بقا بكل وقاحة بضيفك قال لاء و شو بيستنى منك تقبلي بدون ما تعرفي منين جابو
و عبثاً إنو تفهميه إنو المسنجر شي خاص و الواحد ما بيحكي فيه الا مع رفقاتو
اشو محسبو شات و لا مركز تعارف ؟؟؟؟؟؟؟
افففففففففف يااااااا
2_ و اذا شي مرة و انت عم تشوفي الايميلات الي عندك شفتي شي ايميل مانك متذكرتيه !!!!
و حبيتي تعرفي مين منشان يا أما تحذفيه أو تخليه يعني ( لإيش كترة ايملات بلا طعمة )؟؟؟؟
بيخطرلك أحسن طريقة تضيفيه عالمسنجر و طبعا بكون مبلط عالمسنجر و بتلاقيه فوراً ...
و يا ويلك اذا سألتيه مين انت ؟؟؟؟ فوراً بيحتار أنو وحدة من حبيباااااااتو!!! باعتلو رفيقة تدقدس وراه..
على حسبتو شاطر قال يعني .....و بنشفلك ريقك لتعرفي مين تقول بدك تتجوزيه!!!!!
3_ طبعاً ومن كل عقلن مفكرين انو نحن بنحط الصور تبعنا
اي ما تحط الوحدة منا صورتا لتلاقي الكل محملا و داير فيا من محل لمحل و عم يعرض بطولاتو
عأساس إنو شاطر و طبقجي و البنت ما بتكون سمعانة باسمو حتى
و طبعاً هنن بحطو صورن عأساس بدنا ندوب بجاذبيتن القتاااااالة
أما اذا الواحد ما حاطط صورتو معناها منظرو و العياذ بالله ...( حلو الواحد يعرف حالو )
هيك واحد نصيحة لا نضيفيه ( ياإختي ما ناقصك عقد نفسية )
و طبعاً ببلش الحديث بشو اسمك ( ياأخي صلي عالحبيب شوي )
يعني ليش كاتبة اللقب اذا بدا تقول الاسم ( يعني القصة ما بدا أكتر من شوية تشغيل صندوق البويا تبعن ) !!!
لاء و اذا جاوبتيه عن اسمك بلحقك بالسؤال التاني شو كنيتك ؟؟؟؟
( أخي شو بدك بالكنية دخيل الله شو بدك تخطبا !!!!)
أحسن الشي بهيك حالة تكوني مذوقة و تقليلو لسا بكير بلكي بيفهم و بذوق عحالو شوي !!
و تالت الشي بيطلب منك صورتك كأنو علاقتك معو موقفة عالصورة....
قال حسبتن عم يتذاكو اذا حلوة بخلوكي و بيصنعو بطولاتن الخارقة عحساب صورتك
و اذا بشعة ( بنظرن طبعاً ... يعني مو شقرا يا خيتوووو ....)
بصيرو بقا ما بيعرفو كيف يتهربو....
و انت مفكرة انو أساس الصداقة هي الثقافة و التقارب الفكري لك ليش فين عقل ليكون فين فكر
بتعرفي احسن الشي بتعمليه إنك تعمليلو بلوك لأنو هيك واحد فاااااضي ما بيلزمك ...
4_ بتحطي حالك مشغولة لما بتكوني عم تحكي مع حدا ...
و كل شوي بنطلك بجريدة (يأخي ما بتفهم لك منشان الأنبياء اذا بدا تحكي معك ليش حاطة مشغووووووووووول )
لاء و مع ذلك بتكوني مذوقة و بتردي عليه باختصار قال يعني بلكي بيفهم !!!! بس عبثا بتحاولي
و لما بكون هو مشغول ما بتقدري تعطليه...
و بتكتبيلو بكل ذوق "اوكيه شكلك مشغول, ما بدي عطلك"
قال يعني بلكي بيفهم و بصير ما يقاطعك لما بتكوني مشغولة .... بس كمان عبثثثثثثثثاً
بيجي تاني يوم و نفس الحالة (دق المي و هي مي )
ثالثاً في الشارع

1_بتمشي انتو دائما مرتبة فبيستغربو حاكم دايماً هنن مشرشحين و مبهدلين معليش عذرين عم يشوفو شي غريييييييب
2_بتمشي و مهنزة حالك عالأخير انت و رفقاتك طالعين شي مشوار
و ببلشو ما بخلو تلطيشة الا و بينطقوها لاء و الأحلى من هيك ما عندن شي جديد
و بتصيري تضحكي عليهن انو ما بقا تبلطلو هالبياخات و السخافات يعني ما حااااااااج معلقة بقا !!!!!
فشو ياحزرك بقا بفكرو انك مبسووووووطة و طقانة فرح !!!
فأحسن الشي تكبتي ضحكتك و ترجعي تمشي بجأرة و ترفعي راسك و تردي شعرك لورا حاكم ما بيلبقلك الا هيك.....
3_هلق كلشي مبلوع بس في ولادين ح.......
إنو الواحد منن ما بشوفك ماشية لحالك الا و بيندحش فيكي دحش عند أول محل بتوقفي قدامو و بتعجبك شي قطعة فيه
قال شو بالغلط و أحسن الشي ما تحكي شي لأنو الحكي خسارة فين بكفي زورة عالماشي تفرجيه قيمتو فيا

رابعاً في المحلات التجارية

1_ بتفوتي عالمحل بيسلقاكي طبعاً و بكون شقفة صانع و بفرجيكي انو املاكو مقتلة بعضا تقتييل..!!!
و اذا بتنكتي المحل كلو ما بتلاقي قطعة بتنلبس تقول فاتحين هالمحلات لخرق المسح....
2_ و اذا لاسمح الله شاف انو عجبتك شي قطعة و لو شوي صغيرة؟؟؟؟
بيضرب السعر بتلاتة أو أربعة بس منشان طق الحنك
فانت لازم تفرجيه انو القطعة مو عاجبتك أبدا لأنو بقلك سعر البلوزة 3000 !!!
بتنزليا من ايدك و بتدوري عغيرا و بتقليلو اي يعني في بلوزة قطن ب 3000 ؟؟؟؟
و بجأرة شوي و بتكون القطعة نزلت من عينك بصير سعرا 2000 و شوي شوي بتصير ب1000 ؟؟؟؟
يعني ها مبلوعة طبعا و بكون طلع بلعك ليقبل ينزل من سعرا و هو ربحان فيا 400%
و بقلك خسران و الله بس منشان هالعيون الحلوة !!!( لا اله الا الله )حتى هون بدو يتمعلق...
و ببلش بقا تطليعات بلا طعمة بتكرهك تنزلي عالسوق مرة تانية...!!!
و أحسن الشي تجقري فيه و تطلعي لأنو اذا ما هيك عملتي بفكرك ودبتي بدباديبو..
واذا لا سمح الله لزمك شي تاني من عندو تعي بقي خلصي ( لا حول و لا قوة الا بالله )..!!!!!
الموضوع الأصلي: مواصفات الشب السوري || الكاتب: noisy girl || المصدر: منتدى الإكسير