نكد على أصولو

أوووف فعلا نكد عأصولو ولو شو هاد

موضوع: نكد على أصولو الأحد أبريل 24, 2011 4:30 am

كان في واحد سهران هو و مرتو و جوعان بدو ياكل فقرر انو يجيب اكل جاهز هو و مرتو ودار الحديث التالي :

هو :
بدي اطلب بيتزا .. بدك شي؟'

هي:
'لا.'

هو :
'اوكي.'

هي :
'و لا اقولك ..؟'

هو:
'إيه .. بدك اطلبلك كمان؟'

هي :
'مالي عرفانة.'

هو :
'مالك عرفانة اذا بدك شي؟'

هي :
'لا.'

هو :
'انتي جوعانة؟'

هي:
'يعني ..'

هو :
'شو يعني يعني...؟'

هي:
'يعني معناها مو متأكدة اذا كنت جوعانة ولا لا.'

هو:
'الواحد لما بيكون جوعان بيعرف'

هي :
'يعني يمكن جوع بعدين'

هو:
'معناها راح اطلبلك بيتزا.'

هي :
'طيب و اذا ما كنت جوعانه وقتها..؟'

هو :
'لا تاكلي.'

هي :
'بس هيك بيكون تبذير'

هو:
'طيب .. بتاكليها بكرة.'

هي:
'و اذا ما كان الي نفس آكل بيتزا بكرة؟'

هو :
'هاي ما بدها نفس .. الواحد بيقدر ياكل البيتزا كل يوم '

هي:
'انا لا .. ما باكل بيتزا الا لما يكون عندي نفس للبيتزا.'

هو:
'معناها راح اطلبلك شي تاني'

هي:
'بس انا ما بدي شي تاني'

هو:
'يعني بدك بيتزا؟.'

هي:
'لا.'

هو :
'يعني ما بدك شي؟.'

هي:
'امبلى.'

هو :
'جننتي سماي شو بدك؟'

هي :
'اطلب انت لحالك..'

هو:
'اخيرا .. ماشي..'

هي:
'بس اطلب بيتزا بالتونا'

هو:
'بس انا ما بحب التونا.'

هي :
'بس انا بحبها.'

هو :
'هو انا بدي اطلب الي و لا الك...؟!'

هي:
'الك طبعا.'

هو :
'طيب و ليش بالتونا. ..؟'

هي:
'يمكن جوع لما بيوصل الاكل'

هو:
'و شو يعني؟'

هي :
'بالله شو ؟ شو بدك ياني آكل شي ما بيعجبني ؟'

هو:
'ليش هو انتي بدك تاكلي؟'

هي :
'ليش لا ؟'

هو :
' يا مثبت العقل و الدين .. آه انا لازم اطلب بيتزا الي , مشان انتي تاكليها اذا كنتي جوعانه؟؟'

هي:
'بالضبط.'

هو :
'و انا شو بدي آكل؟'

هي :
'مهو يمكن ما كون جوعانة...! '

ملاحظة: محكمة الجنايات قررت الافراج عن الزوج المتهم بتهمة 'قتل الزوجة مع سبق الاصرار و الترصد' و تحويل القضية الى 'قتل الزوجة دفاعا عن النفس