كمل القصة من خيالك

خطرت ببالي فكرة جهنمية و اللي هي أنو المزيج السابق بلا نترو البنزن رح يكون مادة كاوية حارقة خارقة متفجرة
و هون بهاللحظة و بينما كان الزلمة عم يحاول يركبني بالسيارة رشيت عليه شوي من المزيج فما لقيتو إلا صار يبحت بالأرض و داب قدامي كأني ناقعو بالأسيد ....
و بسرعة ركبت بالسيارة و هربت و بعد شي 50 ميل من القيادةفي الصحراء وجدت الطريق العام فكيفت و انبسطت و قمت رميت الباقي من المزيج .. بس ما عرفت وقتها إني رح أحتاج هالمزيج مرة تانية و في وقت قريب و أنو الاستغناء عن هالمزيج عرض حياتي لخطر كبير ما كنت واعيلو وقتها...
والله طلعت عالطريق العام و بعد حوالي ساعة و نص سواقة خلص بانزين السيارة و انقطعت لحالي بالطريق .... و هون ما شفت إلا

إي .. كانت سكين بس سكين بلاستيك يعني عملها محمد و غدر فيني تاني مرة ... لأو هالمرة سخر مني و علم عليي
وأنا بهاللحظة بالذات صار الثأر اللي إلي عند محمد مو عند العصابة و قررت أنتقم منو شر انتقام ... طبعا بعد ما أطلع بخير و سلامة
..... و أنا و عم فكر هالتفكير و إذ بشوف رجال العصابة بطلو يشربو متة و إجو لحتى ينقلوني لمكان تاني و بالطريق مرينا بصالة كبييرة كان عم يتم فيها صناعة المخدرات و المواد الكيميائية بكل مكان
و هون و بهاللحظة تماما تزكرت الجلسة العملية الخامسة من مقرر الكيمياء الصيدلية و تزكرت كلام الدكتور عن مزيج نترو البنزن مع البقدونس و الشاي الأخضر و الطحالب ... و اللي بيشكل مزيج يحرق العيون و يسبب لها العمى المؤقت
.... وبالفعل ما كزبت خبر..

قلي اسف بس اضطريت اعمل هيك لأنن طلعو حاطين وراي مراقبين بس ولايهمك مارح يصير شي عليك وحسيتو عطاني شي بايدي
وبعدا هو طلع من الكهف
بس لما شفت شو حطلي بايدي بدون مايحسو أفراد العصابة يلي كانو ملتهيين بتفصفص البزر وشرب المتة
اكتشفت انو هالشي >سكين <

وقلنا بدكن تخبروا الشرطة عن العصابة ما
وبصراحة أنا استغربت كيف عرف أنو بدنا نخبر الشرطة
وفجأة ماشفت غير زعيم العصابة قرب من محمد وفكو وقلو: شكرا كتير حمودي ويعطيك العافي مهمتك خلصت
ومد إيدو وعطا كومة مصاري وأنا لسا متفاجأ بيلي عم يصير قدامي إجا محمد قرب لعندي وقلي...........

و فعلا اقتنع معي و راح بس لسا قبل ما يروح و يبعد ما حسينا غير خمس سيارات سودة حاصرونا و نزل منها حوالي 100 فرد مسلح و اختطفوني أنا و محمد و غطو عيوننا منشان ما نعرف وين بدن ياخدونا
و و الله ركبونا بالسيارات و ضلينا حوالي 4 ساعات بتقديري المتواضع و غير المتواضع بالسيارات عم نرج و نتدودخ
و الله المهم فكو عيوننا بمنطقه جبلية و دخلونا عكهف فيه على ما يبدو مصانع مخدرات و مواد ممنوعة و هيك ضلينا بهالنفق لحتى وصلنا لعند زعيم العصابة
و وقتا رمونا قدامو بعد ما ربطونا ... فإجا زعيم العصابة قرب و مننا وقلنا .......

قلتلو الحل يامحمد إنك تحمي عيلتك أول وتخبرن ياخدو حذرن بأي وقت وبعدين تتحرا عن هدول الناس الخطيرين وأصلن وتخبر الشرطة أو تروح ع فرع مكافحة المخدرات (هاد شفتو حد كراجات حمص )وهنن رح يتجاوبو معك
بس أنا ما دخلني هه 000
أنا عليّ انصحك بس وفعلا محمد عمل بنصيحتي وراح
كملوووووووووووو

أنو هو مرتبط مع عصابة خطيرة و كان في موعد لتسليم المخدرات بهداك الوقت
طبعا أنا تخبيت وقت شفت التسليم عم بتم و بعد ما خلصو و افترقوا لحقت محمد وعملت حالي شفته بالصدفة و سألتو ليش كان مستعجل من شوي فما حسيتو إلا تلبّـك و احمر و قاللي أنو ..

ماشفت إلا محمد قدامي وعم يركض قمت وقفتو وقلتلو شبك شوصاير معك قام قلي قصة طويلة بعدين بقلك
وأنا ما في إلا ماأعرف طبعا00؟
قمت لحقتو لمحل ما هو رايح عليه واكتشفت بعد ما لحقتو إنو 00000

شو كيف الشباب و الله باينتكن رايقين....ما علينا.. المهم
شو رأيكن أنو نكتب قصة _ نحن شباب و صباياالهلال و هلال _ كل واحد بكمل القصة على كيفو من مكان اللي توقفت عندها بآخر مشاركة... يعني مثلا أنا هلق رح بلش بمشروع قصةو اللي بيجي بعدي بكمل القصة عكيفو من مكان اللي انتهيت أنا .... وهيك

فقت الصبح عصوت المنبه كالعادة لأنو كان عندي مادة كتير صعبة.. كنت مفكر أنو اليوم هو يوم عادي كتير متل كل يوم باستثناء أنو امتحان بس ما كنت بعرف أبدا أنو اليوم يمكن تتغير مسيرة حياتي كلها . والله و نزلت عالكلية و قدمت هالمادة و بينما أنا رجعان عالطريق ما شفت إلا..