أسئلة غبية

موضوع: رد: أسئلة غبية السبت يناير 08, 2011 4:27 am

حلو بس مافي حدا ما بيوقع بها الاخطاء يعني تعودنا

موضوع: أسئلة غبية الأحد أكتوبر 17, 2010 4:06 pm

رح استفتح المنتدى بموضوع كتير حلو (بالنسبة الي) وكل يوم بتصير معي هالحوادث هي :

وقفت قدام محل الشاورما و طلبت صندويشه
قبل ما يشيل الصندويشه عن السخان سألني : بدك تاكلا ؟
قلتلو لا والله بدي آخدا و نيما معي بالفرشة
*******
رحت مع اختي ع محل الألبسه
بعد ما قاست أكتر من بلوزه عجبتها وحده
قالتلي صاحبة المحل : هي البلوزه عجيبتا لأختك . ضبلكنياها ؟
قلتلها لا خليها عندك لا تضبيها علقيا ع الواجهة
*******
كنت عند الحلاق رفيقي بعتلي رساله ع الموبايل
" اذا حدك أرضي دقلي ضروري"
دقيتلو .. قلي وين انت
قلتلو عند الحلاق
قال شو عم تعمل ؟
قلتلو عم اقلع ضرسي
*******
شافني ويحد غليظ بالطريق
سألني وين رايح
جاوبتو ع دكتور السنين " الأسنان يعني "
قال بدك تصلح سنانك ؟
لا والله رايح العب باصره
*******
لما توفى جدي ... كنت عم ابكي
سألني ويحد زعلت ع جدك ؟
لاوالله ضيعت خمس ليرات و عم ابكي عليها
*
*
*